གཟའ་འཇུག་བཟང་པོ་ཡོང་བར་ཤོག

སྤྱི་ཚོཊ་འཕེལ་བའི་ལོ་རྒྱུས་ནང་མི་ཕན་ཚུན་དུས་ཆེན་ཁག་སོགས་དུས་དང་བསྟུན་ནས་འཚམས་འདྲི་ཞུ་བའི་གོམས་སྲོལ་ཞིག་ཆགས་ཡོད་པ་རེད། ལོ་གསར་སོགས་ལ་དབྱིན་སྐད་ཐོག་”ཧེ་པི་ ནིའུ་ ཨི་ཡར་”དང་བོད་སྐད་ཐོག་”བཀྲིས་བདེ་ལེགས་”ཞུ་བ་དང་། ཉིན་མ་གསར་པ་རེ་ལ་”སྒུཊ་མོར་ནིང་”དང་”ཉི་མ་བཟང་”སོགས་བཤད།

འཚམས་འདྲི་འགའ་ཞིག་ནི་མཚོན་དོན་མ་གཏོགས་གོ་རྒྱུ་ཐོལ་པ་མེད་པ་ལྟ་བུ་འདུག དཔེར་ན་དབྱིན་སྐད་སྐྱོན་མཁན་གཉིས་མཇལ་སྐབས་”ཧའོ་ཨར་ཡུ་”ཟེར་བའི་དྲི་བ་དེར་ལན་དམིགས་བསལ་དགོས་ཀྱི་མེད། གལ་ཏེ་སྐུ་གཟུཊ་བདེ་པོ་མེད་ནའང་ལན་”ང་ན་བཞིན་ཡིན་”སྐྱོན་པའི་ལུཊ་སྲོལ་དེ་འདྲ་ཡོད་ས་མ་རེད།

ཡིནའང་བཤད་སྲོལ་འགའ་ཞིག་ཁ་རྒྱུན་ལྟ་བུ་འདུག་རུང་དེ་ཚོའོ་རྒྱབ་ལྗོངས་ཐོག་བསམ་བློ་གཏོང་རྒྱུའང་འདུག ནུབ་ཕྱོགས་སྤྱི་ཚོགས་ནང་གཟའ་པ་སངས་ཕྱི་དྲོ་ནས་མི་ཕན་ཚུན་”ཧེ་པི་ ཝིག་ཨེནཌ་”ལབ་སྲོལ་ཡོད། གུས་ནས་ཐོག་མར་དེ་ཡང་མཚོན་དོན་མ་གཏོགས་ཡོད་ས་མ་རེད་བསམ་གྱི་ཡོད། འོན་ཀྱང་དེ་འདྲ་རེད་མིན་འདུག

གཟའ་ཟླ་བ་ནས་གཟའ་པ་སངས་བར་མི་མང་ཆེ་བ་ཞོགས་པ་སྔ་དྲོ་རང་གི་ལས་ཀ་བྱེད་ཡུལ་དུ་བསྐྱོད་དགོས་པ་དང་། ཕྱི་དྲོ་རང་ཁྱིམ་དུ་ལོག་སྐབས་ཕྱི་པོ་ཡིན། འགའ་ཞིག་གི་ལས་ཀའི་དུས་ཚོད་རིང་པོ་ཡིན་པ་དང་། འགའ་ཞིག་ལ་དུས་ཚོད་དེ་ཙམ་མང་པོ་མིན་རུང་ལས་ཀ་བྱེད་ཡུལ་བར་བསྐྱོད་པའི་དུས་ཚོད་རིང་པོ་ཡིན་པ་ལྟ་བུ་རེད་འདུག དེ་འདྲ་སོང་མི་རྣམས་དུས་སྐབས་དེའི་རིང་ངལ་གསོ་བྱེད་རྒྱུའི་དུས་ཡག་པོ་མེད་པ་ལྟ་བུ་ཡིན། ཁྱིམ་ཚང་གཅིག་གི་ནང་ལའང་གཟའ་ཟླ་གཉིས་དུས་མཉམ་དུ་ཞལ་ལག་བཞེས་རྒྱུའི་གོ་སྐབས་མེད་པ། ཕ་མ་དང་སློབ་གྲར་བསྐྱོད་མཁན་བུ་ཕྲུག་དབར་དེ་འདྲ་བའི་དུས་ཚོད་མེད་པ་ལྟ་བུ་ཡིན།

དེ་འདྲ་སོང་གཟའ་སྤེན་པ་དང་གཟའ་ཉི་མ་གཉིས་ནི་མི་མང་ཆེ་བར་གུང་གསེང་ཡིན་པས་ཉིན་དེ་གཉིས་ལ་ཕལ་སྐད་ནང་བཤད་སྲོལ་ལྟར་”སྐྱིད་པོ་བཏང་”འདོད་ཡོད། དེ་འདྲའི་རྐྱེན་”ཧེ་པི་ ཝིག་ཨེནཌ་”ལབ་ཡོད་དུས་དངོས་ནས་གོ་རྒྱུ་འདུག་གོ འོན་ཀྱང་ད་ཉིན་གཟའ་ཉི་མ་ཡིན་པས་ཡང་ཉི་མ་ལྔ་ལས་ཀར་ཕྱིན་རྗེས་”ཧེ་པི་ ཝིག་ཨེནཌ་”ཡང་བསྐྱར་ཡོང་།་

Advertisements

6 thoughts on “གཟའ་འཇུག་བཟང་པོ་ཡོང་བར་ཤོག

  1. བཙན་བྱོལ་སྤྱི་ཚོགས་ནང་དུ་ལོ་རྒྱུས་མང་བོ་ཡོད། མི་སུ་ཡིན་ཡང་སངས་རྒྱས་ཀྱི་སེམས་ཞིག་དགོས། རང་བཞིན་སྒོས་གནོད་འཚེ་གཏོང་མི་རོང་བསམ།

  2. བོད་ཀྱི་ལོ་རྒྱུས་ནང་དམར་གསོད་ཀྱི་དོན་རྐྱེན་མང་བོ་བྱུང་། བོད་མིའང་མང་བོ་ཞིག་གིས་དཀའ་སྡུག་མྱངས་སོང་། ཆིག་སྒྲིལ་གལ་ཆེ། གྲུབ་མཐའི་རྩོད་གླེང་གིས་ཅི་བྱེད།

  3. dhemik

    good morning ལ་ཞོགས་པ་བདེ་ལེགས་ལས་ཉི་མ་བཟང་ཨ་ཡིན་ལགས། how are you ལན་གཞན་པ་ཡོད་དང་ཡོད། am fine ཡང་ན་ am better.བདེ་པོ་མེད་ན་ so so ལ་སོགས་ཤོད་ཆོག་མ་རེད་པས།
    ཁྱེད་ཀྱི་དབུ་སྐོར་ཙམ་ཞུས།

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s