ཨ་རིའི་ནང་མི་རབས་གཅིག་དང་ཕྱེད་ཀ་

ཟླ་༡༡ཚེས་༢༤ནི་ཨ་མེ་རི་ཀའི་ནང་”བཀའ་དྲིན་རྗེས་དྲན་”གྱི་ཉིན་རེད། ཉིན་འདིར་ཨ་རི་བ་ཚོས་ཕྱི་དྲོའི་ཞལ་ལག་དམིགས་བསལ་བཟོས་ཞིང་དེ་སྐབས་ནང་མི་སྤུན་ཆེད་མཉམ་འཛོམས་གནང་ནས་རང་སོ་སོའི་གནས་སྟངས་དེར་དྲན་གསོ་དང་མཉམ་བཀའ་དྲིན་རྗེས་དྲན་ཞུ་ཡི་ཡོད། ཨ་རིའི་བོད་མི་ཚོའི་ནང་དུས་ཆེན་འདི་གུང་གསེང་ཞིག་མ་གཏོགས་ལོ་རྒྱུས་ལམ་སྲོལ་སྲུང་རྩི་ཞུ་མཁན་ད་ལྟ་མང་པོ་ཨ་ཡོད།
ཉེ་ཆར་ཨ་རིའི་བོད་མི་ཞིག་གི་རྩོམ་ནང་ཁོང་ནི་ཨ་རིའི་མི་རབས་གཅིག་དང་ཕྱེད་ཀ་ཡིན་གསུངས་འདུག དེའི་གོ་དོན་ནི་ཨ་རིའི་ནང་མི་མང་གནས་སྤོས་བྱེད་སྟངས་དང་འབྲེལ་བ་ཡོད།
བཤད་སྲོལ་ལ་ཨ་མེ་རི་ཀ་ནི་ཡུལ་སྤོ་བྱེད་མཁན་གྱི་རྒྱལ་ཁབ་ཞིག་རེད་ཟེར། ལོ་རྒྱུས་ནང་གཟིཌ་པ་ཡིན་ན། སྣ་བོའི་ཡུལ་མི་”ཎེ་ཌིའུ་ཨ་མེ་རི་ཀན་”མིན་པར་གཞན་རྣམས་ཡུལ་འདིར་རྒྱལ་ཁབ་གཞན་ནས་གནས་སྤོ་བྱེད་ནས་ཡོང་བ་ཤ་རྟག་ཡིན། མང་ཆེ་བ་ནི་ཡུ་རོབ་ཁུལ་ཡིན།
ཨེ་ཤི་ཡ་ནས་ཡུལ་འདིར་མི་སྤོ་བའི་དུས་ནི་དུས་རབས་༡༨ནང་ཡིན་འདུག་ཞིང་ཐོག་མར་ཕི་ལི་པིཎ་ནས་ཡིན་ས་རེད།
༡༩༩༠ལོ་ནས་ཨེ་ཤི་ཡ་ནས་ཡིན་པ་རྣམས་མི་འབོར་གྲངས་ཤེར་ནང་”ཨེ་ཤི་ཡན་”ཞེས་གསལ་པོ་སྡེ་ཚན་ཐ་དད་ནང་གྲངས་ཤེར་གནང་འགོ་བཙུགས་པ་རེད། ༢༠༡༠ལོའི་མི་འབོར་གྲངས་ཤེར་ནང་ཨེ་ཤི་ཡན་ཨ་མེ་རིན་ཀན་གྲངས་འབོར་ནི་༡༤༦༧༤༢༥༢ཡིན་ཞིང་དེ་ནི་ཨ་རིའི་མི་འབོར་གྱི་བརྒྱ་ཆ་༤་༨ཡིན་འདུག
ཨེ་ཤི་ཡན་ཨ་མེ་རི་ཀན་ནི་སློབ་སྦྱོང་ལེགས་པོ་ཡོད་པའི་མི་ཚོགས་ཞིག་ལ་རྩིས་ཀྱི་ཡོད། སྐད་གྲགས་ཡོད་པའི་ཨེ་ཤི་ཡན་ཨ་མེ་རི་ཀན་ཁོངས་སུ་”ཡ་ཧུ་”སྦྱིན་བདག་རྗེ་རི་ཡང་། ལོཡི་སི་ཡ་ན་མངའ་སྡེའི་སྤྱི་ཁྱབ་སྦོ་སྦི་འཇིན་དལ། ཨ་རིའི་རྒྱ་ནག་ཏུ་གཞུང་ཚབ་སྒེ་རི་ལོག དེ་སྔ་གཞུང་གི་བློན་པོ་གནང་མྱོང་མཁན་ནོར་མན་མི་ཎེ་ཊ་དང་ཨེ་ལི་ཎ་ཆའོ་སོགས་ཡིན།་
མི་རབས་སྡེ་ཚན་དབྱེ་སྟངས་ནི། བཤད་སྲོལ་གཅིག་ལ་མི་རབས་དང་པོ་དེ་ནི་ཡུལ་གཞན་ནས་ཨ་རིར་མི་རྒན་པ་གནས་སྤོ་གནང་མཁན་ལ་གོ དཔེར་ན་༡༩༩༠ ལོ་ནས་ཨ་རིར་བོད་ཆིག་སྟོང་གནས་སྤོས་གནང་བ་ཚང་མ་མི་རབས་དང་པོ་རེད།
མི་རབས་གཅིག་དང་ཕྱེད་་ཀ་ཟེར་བ་དེ་སྐྱེས་ཡུལ་རྒྱལ་ཁབ་གཞན་ཡིན་རུང་ཨ་མེ་རི་ཀར་གནས་སྤོས་བྱེད་དུས་ན་གཞོན་ཙམ་ཡིན་པར་གོ་ཡི་ཡོད། མི་རབས་དེ་ཚོར་སོ་སོ་ཡོང་སའི་སྤྱི་ཚོགས་ཀྱི་གོམ་གཤིས་ལམ་སྲོལ་ཕྲན་བུ་ཤེས་རྟོགས་ཡོད་པར་བཤད། བོད་མི་ཡིན་ན་”ཆིག་སྟོང་”གི་ཕྲུ་གུ་ན་གཞོན་རྣམས་མི་རབས་གཅིག་དང་ཕྱད་ཀ་ཡིན།

“ཧེ་པི་ ཐེང་སི་སྒིཝིང་།”

Advertisements