བོད་མིའི་དམངས་གཙོའི་འགྲོ་ལུགས་ཀྱི་མཚོན་རྟགས།

བར་སྐབས་ཞིག་ནས་བོད་མི་མང་སྤྱི་འཐུས་ལྷན་ཁང་གིས་དེ་གའི་ཚོགས་འདུ་དེ་བཞིན་བཞུགས་སྒར་ཁུལ་དུ་ཐད་ཀར་བརྙན་འཕྲིན་ཐོག་དང་འཛམ་གླིང་ཡོངས་སུ་དྲ་རྒྱའི་ཐོག་ནས་གཟིགས་རྒྱུ་ཡོད་པ་གནང་ཡོད་། གུས་རང་ཐེངས་འགའ་ཞིག་བཞུགས་སྒར་དུ་བཅར་དུས་སྤྱི་འཐུས་ལྷན་ཚོགས་ཀྱི་ཚོགས་འདུ་ཚོགས་བཞིན་པ་དང་སྟབས་ཁེལ་བས་ཚོགས་འདུ་བརྙན་འཕྲིན་ཐོག་མཐོང་བྱུང་།
འོན་ཀྱང་ཨ་མེ་རི་ཀ་དང་རྒྱ་གར་གཉིས་ཀྱི་དུས་ཚོད་ཁྱད་པར་གྱི་རྐྱེན་བར་སྐབས་ཞིག་གི་ཚོགས་འདུ་མཐོང་ཐུབ་མེད་། གང་ལགས་ཞུས་ན་ཚོགས་འདུ་ཚོགས་སྐབས་འདི་གར་ཚན་མོ་ཡིན་པ་དང་ང་ཚོ་ཞོག་པ་ཡར་ལངས་བའི་དུས་སུ་ཚོགས་འདུ་གྲོལ་བའི་དུས་རེད་།

ད་རང་ཞོག་པ་གུས་ནས་སྔ་ཙམ་ལངས་ནས་ཚོགས་འདུ་དེ་དྲ་རྒྱའི་ཐོག་མཐོང་ཐུབ་སོང་། དེ་སྐབས་བཀའ་བློན་ཁྲི་པ་མཆོག་ནས་སྤྱི་འཐུས་རྣམ་པའི་དྲི་བ་ཞུས་པར་ལན་གནང་བཞིན་རེད་འདུག དེ་རྗེས་བོད་མིའི་ཚོགས་ཆེན་ཞིག་སྐོར་གྲོས་ཆོད་གྲོས་འཆར་ཞིག་ཐོག་བགྲོ་གླེང་གནང་སོང་།
ལས་རིམ་དེ་ཚོའི་ནང་སྤྱི་འཐུས་མི་ཉུང་བ་ཞིག་ནས་མཉམ་ཞུགས་གནང་སོང་བས་མང་པོ་ཞིག་ནས་རྣོ་ངར་ལྡན་པའི་ཐོག་ནས་རང་གི་དགོངས་འཚུལ་སྟོན་གནང་གི་འདུག འགའ་ཞིག་ནས་གཡོ་ཟོལ་མེད་པའི་ཐོག་ནས་བཀའ་བློན་ཁྲི་པ་དང་འཛིན་སྐྱོང་གི་མི་སྣ་ཚོས་རང་གི་མཛད་འགན་ཞེས་ཕྱོགས་ཐོག་སྐྱོན་འཛུགས་གནང་སོང་། ཡང་འགའ་ཞིག་ནས་༧གོང་ས་མཆོག་གི་ཐུགས་དགོངས་དང་དེ་བཞིན་བཙན་བྱོལ་བོད་མིའི་བཅའ་ཁྲིམས་ཀྱི་ལེའུ་ལུང་འདྲེ་ནས་སོ་སོའི་དགོངས་འཚུལ་ལ་རམ་འདེགས་ཡོང་བ་གནང་གི་འདུག
གང་ལྟར་བཙན་བྱོལ་བོད་མིའི་སྤྱི་ཚོགས་ནང་དམངས་གཙོ་ཚད་ལྡན་ཡོད་མིན་དང་ཡང་ན་དམངས་གཙོ་ནི་བོད་མིའི་དམིགས་ཡུལ་ཡིན་ནམ་ཡང་ན་དམིགས་ཡུལ་ཞིག་གྲུབ་ཆེད་ཀྱི་ལམ་ཡིན་མིན་སོགས་ཀྱི་རྩོད་པ་དེ་མུ་མཐུད་ནས་གནས་ཀྱི་རེད་། འོན་ཀྱང་ད་ལྟའི་གྲོས་ཚོགས་འགྲོ་སྟངས་དེས་བོད་མིའི་ཁྱད་ཆོས་ལྡན་པའི་དམངས་གཙོའི་འགྲོ་ལུགས་ཞིག་མཚོན་གྱི་འདུག་བསམ་པའི་ཚོར་བ་དེ་གུས་ལ་ཤར་སོང་།

Advertisements

ཨ་མེ་རི་ཀའི་སྲིད་འཛིན་གྱི་སྐྱ་ཚབ་བཞུགས་སྒར་དུ་ཕེབས་པའི་སྐོར་།

སྲིད་འཛིན་ཨོ་སྦ་མའི་སྐུ་ཚབ་ནས་༧གོང་ས་མཆོག་དང་མཇལ་བཆིན་པ། སྐུ་སྒེར་ཡིག་ཚང་གི་དྲ་རྒྱ་ནས་www.dalailama.com

ཉིན་ཤས་སྔོན་གནས་ཚུལ་དོན་ཡག་ལ་ཨ་མེ་རི་ཀའི་སྲིད་འཛིན་ཨོ་སྦ་མའི་སྐུ་ཚབ་ཚོགས་པ་ཞིག་ནས་བཞུགས་སྒར་དུ་བཅར་ནས་༧གོང་ས་མཆོག་དང་བཀའ་བློན་ཁྲི་པ་མཇལ་འདུག སྐུ་ཚབ་དེས་སྲིད་འཛིན་ནས་༧གོང་ས་མཆོག་ལ་ཕྱག་བྲིས་ཞིག་ཀྱང་འབུལ་འདུག འདི་སྐོར་དཔལ་ལྡན་སྐུ་སྒེར་ཡིག་ཚང་གི་དྲ་རྒྱའི་ཐོག་གསལ་བསྒྲགས་ཡང་གནང་འདུག

དེ་ནི་ལོ་རྒྱུས་དང་ལྡན་པ་ཞིག་རེད་། ལོ་རྒྱུས་ནང་ཨ་མེ་རི་ཀའི་སྲིད་འཛིན་ཞིག་ནས་༧གོང་ས་མཆོག་ལ་སྐུ་ཚབ་ཞིག་ཆེད་གཏོང་བྱས་པ་དེ་ཐེངས་གཉིས་པ་རེད་ཟེར་ན་སྒྲིགས། ༡༩༤༢ ལོར་འཛམ་གླིང་དམག་ཆེན་གཉིས་པའི་དུས་སུ་ཨ་མེ་རི་ཀས་དམག་དཔོན་གཉིས་བོད་དུ་བསྐྱོད་བཅུག་ནས་ཁོང་གཉིས་ནས་དེ་སྐབས་ཀྱི་ཨ་མེ་རི་ཀའི་སྲིད་འཛིན་ཕེ་རེན་ཀི་ལིན་རུ་སུ་ཝེལ་ཊི་ཡིས་༧གོང་ས་མཆོག་ལ་ཕྱག་བྲིས་ཤིག་ཕུལ་འདུག སྐུ་ཚབ་ཚོ་དེ་སྐབས་བོད་དུ་ཕེབས་དགོས་དོན་ནི་དམག་གི་ཡོ་ཆས་བོད་རྒྱུད་རྒྱ་ག་དུ་འོར་འདྲེན་ཆེད་ལམ་གནང་རེའི་ཆེད་ཡིན་འདུག འོན་ཀྱང་དེ་སྐབས་བོད་གཞུང་ནས་དམག་ཐོག་བོད་དེ་བཞིན་བར་གནས་ཞུགས་རྒྱུའི་ཐུགས་ཐགས་བཅོད་ཡོད་འདུག
ད་རེ་སྲིད་འཛིན་གྱི་སྐུ་ཚབ་ཚོ་ནི་སྲིད་འཛིན་ཨོ་སྦ་མས་བོད་ཐོག་དགོངས་པ་དེ་༧གོང་ས་མཆོག་ལ་ཞུ་རྒྱུ་དང་རིང་མིན་སྲིད་འཛིན་རྒྱ་ནག་དུ་ཕེབས་སྐབས་བོད་དོན་དེ་སྐོར་བཀའ་མོལ་གང་འདྲ་གནང་དགོས་མིན་ཆེད་ཡིན་འདུག

དགུ་པའི་བཅུ་གཅིག་དུས་དྲན་ཉིན་མོའི་འཚོར་སྣང་།

ད་ལྟ་ནི་༢༠༠༩ ཟླ་ ༩ ཚེས་ ༡༡ ཞོག་པ་ཆུ་ཚོད་༩ པ་རེད་། ལོ་བརྒྱད་གོང་དུས་ཚོད་འདི་གཡས་གཡོན་དུ་ཨ་མེ་རི་ཀར་འཇིགས་བསྐུལ་རིང་ལུགས་ ཀྱིས་སྣ་བའི་ཡུལ་ལས་འདས་པའི་བྱ་སྤྱོད་ངན་པ་བྱས་པ་རེད་། དེ་སྐབས་གུས་རང་ཁྱིམ་ནས་རང་གི་ལས་ཁུངས་སམ་གཞུང་ལས་ཁང་དུ་བསྐྱོད་པའི་སྐབས་ ཡིན་། ལས་ཁུངས་སུ་སླེབས་མ་ཐག་ཏུ་ལས་རོགས་ཚོས་བརྙན་འཕྲིན་ལྟ་བར་ཤོག་ཟེར་བཞིན་འདུག དེ་དུས་ལྟས་ངན་དེ་མཐོང་བྱུང་། ལས་རོགས་འགའ་ཞིག་ནི་རང་གི་མིག་ནས་ཆི་མ་བཏང་བཞིན་འདུག འགའ་ཞིག་ནས་ད་ང་ཚོས་ག་རེ་བྱེད་དགོས་སམ་དྲིས་བཞིན་འདུག བརྙན་འཕྲིན་ཐོག་མི་མང་པོར་རྨས་སྐྱོན་བྱུང་བའི་སྐོར་འགྲེལ་བརྗོད་བྱེད་བཞིན་ འདུག་པས་ང་ཚོ་འགའ་ཞིག་གིས་ལས་ཁུངས་ཉེ་འདྲམ་དུ་ཡོད་པའི་ཁྲག་བསྡུ་ལེན་བྱེད་ མཁན་སྒྲིག་འཛུགས་ཤིག་ཡོད་པས་དེར་ཁྲག་སྤྲོད་ཆེད་ཕྱིན་པ་ཡིན། ནམ་རྒྱུན་མོ་ཊ་མང་པོ་མཐོང་རྒྱུ་ཡོད་པའི་ལམ་དུ་ཕལ་ཆེར་དེ་འདྲ་གཅིག་ཀྱང་མཐོང་ རྒྱུ་མིན་འདུག ཁ་ཁུ་སིམ་པོ་ཡོད་པའི་འཚོར་སྣང་བྱུང་། འོན་ཀྱང་ཁྲག་བསྡུ་ལེན་བྱེད་མཁན་ཁང་པ་དེའི་སྒོ་རྒྱབ་འདུག་པས་ང་ཚོ་རང་གི་ལྶ་ ཁུངས་སུ་ཕྱིར་ལོག་བྱས། དེ་ནས་གནས་ཚུལ་ལ་ཉན་བཞིན་དང་གནས་སྟངས་ལ་བལྟ་བཞིན་ནང་དུ་ལོག་རྒྱུའི་གནས་ སྟངས་མ་ཆགས་བར་དེ་འདྲའི་འོག་གནས་དགོས་བྱུང་།
ད་ལྟ་ལོ་བརྒྱད་རྗེས་གནས་སྟངས་དེར་བསམ་བློ་བཏང་སྐབས་འཚོར་བ་ཆེ་ཤོས་དེ་ག་རེ་ འདུག་ཟེར་ན་འཚེ་མེད་ཞི་བའི་ལམ་དེ་ནི་གཟི་རྗིད་ཅན་ཡིན་པ་དང་དྲག་པོའི་ལམ་དེ་ ལ་མི་མང་པོ་མི་དགོས་རུང་སྤྱི་ཚོགས་གཅིག་ལ་སྲ་བརྟན་མེད་པ་བཟོ་རྒྱུའི་ཆ་ རྐྱེན་འདུག་བསམ་པ་བྱུང་།

ཨ་མེ་རི་ཀའི་དམངས་གཙོའི་འགྲོ་ལུགས་ཞིག

ཨ་མེ་རི་ཀ་ནི་དམངས་གཙོའི་རྒྱལ་ཁབ་རྙིང་ཤོས་དེ་ཡིན་ཟེར་སྲོལ་ཡོད་པ་རེད་། འགྲོ་ལུགས་དེའི་ཆ་ཤས་ཤིག་ནི་གཞུང་གི་མཛད་གཙོ་བ་ཚོས་ལས་དོན་ག་རེ་གནང་རུང་མང་ཚོགས་ལ་གང་ཐུབ་གསལ་བཤད་གནང་ཐབས་གནང་བ་དེ་རེད་འདུག དཔེར་ན་ཨ་མེ་རི་ཀའི་སྲིད་འཛིན་གྱི་ལས་ཁུངས་ཀྱི་དྲ་རྒྱར་གཟིགས་གནང་བ་ཡིན་ན་དེར་སྲིད་འཛིན་ཨོ་སྦ་མའི་ཉིན་རེའི་བྱེད་སྒོ་ཙམ་མིན་པར་གནམ་གྲུ་གཙོས་པའི་འདུ་འཛོམས་ཡོད་སར་བཀའ་མོལ་གང་གནང་བ་དེ་དེ་མ་ཐག་ཏུ་དྲ་རྒྱའི་ཐོག་ཡོང་བསྒྲགས་གནང་གི་འདུག
དེ་བཞིན་ཨ་མེ་རི་ཀའི་ཕྱི་སྲིད་བློན་ཆེན་གྱི་ལས་ཁུངས་ལྟ་བུར་མཚོན་ན་བློན་ཆེན་ཧི་ལ་རི་ཁི་ལིན་ཊོན་གྱི་ཉིན་རེའི་མཛད་འཆར་ཡང་དྲ་རྒྱ་ཐོག་བཞག་གནང་གི་འདུག་

༧གོང་ས་མཆོག་གི་ཐེ་ཝན་ཆིབས་བསྒྱུར་སྐོར་གླེང་བ།

ཁ་སང་༧གོང་ས་མཆོག་ཐེ་ཝན་ནས་ཆིབས་ཞལ་གྱུར་གྲུབ་པ་རེད་། ཁོང་གི་ཐེ་ཝན་ཆིབས་བསྒྱུར་སྐོར་རྒྱལ་སྤྱིའི་གསར་འགྱུར་ཐོག་འགྲེལ་བརྗོད་སྣ་མང་བྱུང་སོང་། གནས་ཚུལ་གོ་ཐོས་ལ་རྒྱ་ནག་ས་ཁུལ་འགའ་ཞིག་ནང་བརྙན་འཕྲིན་ཐོག་༧གོང་ས་མཆོག་མཇལ་རྒྱུ་ཡོད་པ་བྱུང་འདུག

ང་རའི་བསམ་པར་ཆིབས་བསྒྱུར་འདིས་ཐེ་ཝན་མི་མང་དང་སྤྱི་ཚོགས་ཐོག་ཤུགས་རྐྱེན་བཟང་པོ་ཐེབས་ཡོད་པ་དང་དེ བཞིན་རྒྱ་ནག་སྤྱི་ཚོགས་སུའང་ཡོང་ཡོད་པ་རེད་།

རྒྱ་ནག་གཞུང་གི་ངོ་ཚ་མེད་པའི་གནོན་ཤུགས་བྱེས་རུང་ཐེ་ཝན་མི་མང་ནས་༧གོང་ས་མཆོག་ལ་དགའ་བསུ་ཞུ་སྟངས་དེ་འདྲ་བྱུང་བ་དེ་ནི་རྒྱ་ནག་གཞུང་ལ་སྔོན་བརྡ་ཞིག་རེད་།